هوسات للعباس(ع)ابن علی ابن ابیطالب(ع)
هوسات للعباس(ع)ابن علی ابن ابیطالب(ع)
___________________________
مثل عباس منهو ایصیر یسحگ سچة الخطره
ضحّه للعضید احسیــــن ضحّه الیمنه والیسره
قــــــــرآن الگمر عبـــاس منهو القادر ایفسره
(قرآن الطف ابعاشوره)
_______________
عن العباس من نحچی اخاف ایخونه التعبیر
مایتوصّف العباس اذا عگلی ابوصفه ایحیر
بس عباس یگدر یوصف العبــاس بلتصویر
(عباس ایوصّف عباسه)
_________________
مـن دنــالک وانته طاعــــون الزلم فــی نینـــوه
ویاهو گال الگمر طاح اعله الارض خر وهـوه
العلم لیهسه یرفرف یعنی حی وعدل شیال اللوه
(عباس الحاضر شداتی)
________________
مثل عبـــاس ماکوا اعضیــد لا اول ولا تالـــی
ضحّه ابروحه دون احسین ضحّه بلدمه الغالی
بعد میجیـبـن النـسوان مثــل عبـــاس للتـالــــی
(للخوه ایضّحی ابچفینه)
_______________
یا نـهر الشریــعه اشلون یمک طــاح عباسی
گال اختلط جوده اویای والله اوضاع مقیاسی
گمـت کلّـی اعلـه حیـــلی او الـطـم ابراســـی
(فگدیته عنوان الخوه)
_______________
نمت طول اعله طوله وصحت یاجرناس
اخــوک آنــه عضیــدک یا شـدیـد البـاس
بلعبـــاس احلفـــک احچــی یــا عبــــاس
(حاچینی یحزام الغیره)
_______________
شنهی الزلم شنهی الخیل یختـی وخایفه الیله
اخوچ آنه وعدعیناچ اخوچ الما رضه ابعیله
لخلّی العسکر او گومه یردم زلمه وی خیله
(عباس آنه اوشوفی افعالی)
_________________
مــن طبــع المعزّب یکــرم الخطــار
وایحضنــه ابچفوفه اویجلسـه بلـــدار
یبو اچفوف الگطیعه اشلون یا مغوار
ما شفنـه امعزّب معـــروف
یفرح لو اتگصده اضیــوف
وایرحّب من دون اچفـــوف
(دیوانه منصوب ابکل حی)
________________
اشگد عله العبــاس کتبینه شعر
لچـن ذره مـا نـــوافــی نعتــذر
نرجه من عنده الشفاعه بلحشر
(ایجازینه بحسان احسان)
________________
آنـــه اریدن الشفاعــه بل جــزاء
یا گمـــر عدنان یبن المرتضــی
الکون کله الکون یندب والفضا
(حی عباس او حی افعاله)
________________
ماعرفنه العلگمی او نهر الفرات
لوله شخصک یا چفیل المسبیات
انته دون اچفـوف نچّلت الطغات
(بعیونک خالس چم جیمه)
________________
وصل نهر العلگمی وجاس العذب
وذکـر چبــد احسیــن نــارا تلتهب
گبل اخـوی ایگول مارید الشـرب
(اشلون اشرب گبل اعضیدی)
__________________
ذمــه ابـرگبتی یا عمـی یا سکنــه
ابخدمتچ کون اجیب المای واتعنه
لـون اتأخرت منـی اگطعی الظنه
(معناها مگطوعه اچفوفی)
__________________
خالی یا عبـــاس یا شیخ الرجال
اترید اماره اترید جاه اترید مال
خالی عوف احسین،گله لامحال
لانی ابن اخته ولاخالی
کلمن ضد ابـن الوالــی
هاذه احسین ابن الغالی
(ماعوفه لو جسمی اتگطّع)
_________________
تواعدنــی ابآمــان وسلطنه وقــاده
وابن بنت الرسول الوحده واولاده
اخذ خطک لمیرک واحنـــه هدّاده
ما نقبــل عـار وذله
خل تسمع کل الملّه
بلظالم وانحط علــّه
(احنه ازماطه کلمن زامطنه)
__________________
صعد لم العله العبــاس ابطیبه ورفـع شانــه
من صار الگمر عباس خادم صدگ لخوانه
ساس الخــوه بچفــوفــه دگها اوعلّه بنیانــه
(علاها عباس ابزوده)
______________
یهل بدویه ابنچ تاج فوگ الـراس
او ما قصّر لخو حد آخر الانفاس
اذا عبــاس یندب بلشــدد عبــاس
(عباسچ یحضر عباّسه)
_______________
آنــه گد واگدودها ابیــوم النــزال
وآنه اراوی الموت لشباه الرجال
آنه ما عرف المفر وکت القتـــال
(آنه ازماطه والزامطنی)
________________
آنــه زامطنـــی المـارد گتـله یـا مــــارد هلـــه
صیده جت من غیر رمیه صیده من رب العله
جســم مــارد بلحـرایــب جسمه منهو الفـصّلـه
(وین ازماطه والگال آنـه)
________________
رد مــارد الگومه اتنشده بعض النــاس
شنهی اشبیک دمک یجری امن الراس
گــال المــوت شفتـه مــن گبل عبـــاس
(راوانی عباس الموت)
________________
للشاعر خادم اهل البیت(ع)
هاني علي المذحجي(پوررضا)
ابــوحیــدر
امامزاده سیدعبد موسوی فرزند سیدکاظم